नमस्कार!
मराठी वर्डप्रेस भाषांतर समुदायासाठी एक महत्त्वाची घोषणा आहे.
गेली अनेक वर्षे मराठी भाषांतराशी संबंधित चर्चा, प्रश्न, सूचना आणि समन्वय विविध ठिकाणी होत होते. काही जण जुना wpmarathi.slack.com समुदाय वापरत होते, काही जण इतर गटांमध्ये, तर काही जण वैयक्तिक संदेशांमधून संवाद साधत होते. त्यामुळे सर्वांना एकत्रितपणे जोडणे आणि माहिती योग्य वेळी सर्वांपर्यंत पोहोचवणे अवघड होत होते.
यासाठी आता मराठी भाषांतर समुदायासाठी #polyglots-mr हा अधिकृत संवाद गट उपलब्ध झाला आहे.
यापुढे मराठी भाषांतराशी संबंधित सर्व चर्चा, प्रश्नोत्तरे, मार्गदर्शन, परीक्षण, सूचना आणि योगदानाचे समन्वय याच ठिकाणी करण्यात येतील.
तसेच पूर्वी वापरला जाणारा wpmarathi.slack.com समुदाय आता बंद करण्यात येत आहे. त्यामुळे त्या ठिकाणी असलेल्या सर्व सदस्यांनी नव्या स्लॅक चॅनेलमध्ये सहभागी व्हावे, ही विनंती.
या गटामध्ये पुढील बाबींवर संवाद साधला जाईल:
- मराठी भाषांतरातील प्रलंबित कामे
- नवीन भाषांतरकारांना मार्गदर्शन
- भाषांतरांचे परीक्षण व मंजुरी
- मराठी भाषेतील सुधारणा व सूचना
- जागतिक भाषांतर संघाकडून येणाऱ्या घडामोडी
- मराठी योगदान उपक्रमांची माहिती
मराठी भाषेत वर्डप्रेस अधिक सक्षम आणि दर्जेदार बनवण्यासाठी प्रत्येकाचे योगदान महत्त्वाचे आहे. तुम्ही आधीपासून भाषांतर करत असाल किंवा नुकतीच सुरुवात करू इच्छित असाल, या समुदायात तुमचे स्वागत आहे.
नव्या स्लॅक चॅनेलमध्ये सहभागी होण्यासाठी:
https://wordpress.slack.com/messages/polyglots-mr
चला, मराठी वर्डप्रेस समुदायाला अधिक बळकट करण्यासाठी एका ठिकाणी एकत्र येऊया.
प्रतिक्रिया व्यक्त करा
आपल्याला टिप्पणी पोस्ट करण्यासाठी लॉग इन असणे आवश्यक आहे.